سياسيات تنتهي بحرف الجيـــــــــــــم

السلام عليكم و رحمة الله تعالى و بركاته

حبيت نعرض في موضوع اليوم سياسات انتهت بحرف الجيم هي كلمات مفرنسة معربة
يعني مخلطة لكن مستعملة بكثر في حياتنا اليومية مع تعريف بسيط لكل سياسة

الديgوطاج : هي مرحلة يمر بيها كل أفراد المجتمع الجزايري تقريبا مكانش واحد تقلو وشراك إلا
ويقلك مديقوتي ... تعني الملل أو بالأحرى الvيد إللي راهو قاتل الشعب
الصابوطاج : سياسة اشتهر بيها مسؤولونا و كل من عندو منصب يحترف هاذي السياسة بسرعة و في العادة يعاني منها المواطن البسيط

البروفوطاج : في جميع البلايص كنت تكلمت عليها في أحد مواضيعي كي تعود داخل للقهوة ... حبة
مقروط مكسرة و تاي صغير و كاش اينيتي ....إلــــــــخ ... المهم راحت و
تقريب ولات عادة في مجتمعنا

البيباج : بيبيلي و نعاودلك يا عمري ... سياسة أكثر شهرة عند البنات منها عند الذكور ... إلـــــــى متى ؟؟؟

البريكولاج : سياسة خطيرة راحت فينا و الله المهم ركب ركب راح الحال بريكولي يخي نهار و فايت
... لحقت بينا وين كي يجي مسؤول نركبو شجرة بنان واجدة ؟؟؟

الكوبياج : في الباك و الامتحانات الرسمية عدنا نشوفو العجب نظن الجزاير ولات تحتل
المرتبة لولى في هذا المجال ... حتى مندياتنا للأسف راهي تعاني من هذا
المشكل

الراطراباج : اللي يقراو في الجامعة يعرفوه مليح ... يقولو عليه لا يدخله إلا الأشداء ... و
يقولو اللي ما دخلش الراطراباج في الجامعة ما دار والو ... و أخيرا سمعت
بللي الراطراباج ولا في المتوسط ثاني في تطور ملحوظ لهاذي السياسة الراقية

.
.
.
.
بزاف هي السياسات هاذي تعذرني السياسة اللي نسيتها و اللي عندو اضافة يتفضل

و في الأخير تحياتي الخالصة

روووووووووووعة تسلم الايادى
شكرا لجهودك الرائع
ننتظر منك الجديد

» اذا كان اسمك يبدا بحرف.....فانت...