بينما كنت وحدي في البلكونة
قاعد مع نفسي شوية
....-........
فجأة :
رن التليفون
رديت .. فسمعت صوت يستصرخني ويقول
ما تسيبوش يعدي
----------------
نزلت بسرعة
واعترضت طريقة
فقال لي بغضب سيبني أعدي
فأمسكت بمفتاح الكونتاكت عنوة وقلت له بشدة انزل فنزل
انه عبودة سائق التوكتوك
-----------------------
بعد نفسو ما ستريحت
قلت له هو الموضوع أيه ؟
تلعثم في الكلام ثم قال:
سيبني أمشي .. خلاص الود اتقطع لحد كدة
---------------------------
عبودة كان خاطب فتاة بقالو أربعة سنين
و تقريبا حصلت بينو وبين نسايبو مشادة
أنا فهمت ذلك ..حيث أن أبيها هو الذي اتصل علي
وقال ماتسيبوش يعدي
هم كثيرا بيشدوا مع بعض وبنسمعهم لكن بيصطلحو
لكن هذه المرة باين الزعل جامد
------------------------------
قلتيلو احكيلي يا عم عبودة بأة
أيه اللي حصل بالضبط وبالتفصيل الممل ؟
فقال أنا خاطبها بآلي أد أيه ؟
قلت بقالك أربع سنين
مانت أرفنا رايح جاي بالتكتك
قالي حلو ..!
آهو التكتك ده بأة بألهم اربع سنين وهم مخلصين على شغلو اول بأول
و مش عارف أوفر قرش واحد أصرفه على الشقة
----------------------------
فقلت له أمال أنتو اتخانقتو ليه
قال خطيبتي بتتهمني أني مضيع فلوسي
قلت لها أبوك ملاحق على كل جنيه بأكسبو
ومش عارف أوفر قرش
فقالت هو أبويا مستنيك تصرف عليه
قلت لها اسأليه .. وبعدين أسألو ليه
ما انت عارفة وشايفة كل حاجة
-------------------------
قالت له ع العموم ادامك لآخر الشهر
يا ما تخلص الشقة وتحدد ميعاد الفرح
يا اما توريني عرض اكتافك
فقلت لها بضحك أنا ما فيش معايا فلوس
الفلوس اللي كانت بتجيلي أبوك كان بيشفطها اول بأول
ردت عليه وقالتلو ماعادش الا انت اللي أبويا هيمد ايدو له يا أجرب
فتضايقت وقلت لها الأجرب اللي بيتحك في الناس
ومستني الناس تصرف عليه
فقذقته بكوب الماء في وجهه ثم قالت له
امشي من هنا يا كلب
-------------------------
ثم نظر لي وقال :
وانت رأيك أيه يا أبوكامل
فقلت له:
يا سيدي ..
ما علينـــــــا !!
بتحصل في أحسن العائلات
فقال واللي قالته
قلت له :
يا سيدي ..
ما علينــــا !!
هو فيه شتمة بتلزق ؟؟!!
فقال يعني انت شايف ايه ؟؟
فقلت له انا شايف انك تستهدى بالله كدة
و تخذي الشيطان وترجع لخطيبتك
فقال عايزني ارجع بعد اللي قالته
طيب وهيبأة شكلي أيه ؟؟
أنا لو رجعت هيهينوني وهيهزؤني كل شوية
فقلت له ما تخافش..
نسيبك هو اللي متصل علي عشان أقولك
فقال أرجع بس بشرط ..
يا اما نسيبى هو اللي يكلمني
يا اما هي اللي تكلمني وتقولي تعالى
-------------------------
اتصلت على ابوها وقلت له
بيقول حد منكم هو اللي يتصل عليه ويقوله تعالى
فتكبروا..
وانا تركت عبودة يمشي
-------------------
انا خفت اخد عبودة اوديه لهم يرجعوا يحرجوه واللا يحرجوني
--------------------------
مرت الأيام...
ثم جاؤا يطلبون مني أتوسط
فرفضت أن أتدخل منعا للاحراج
و بسبب كبرياءهم المريض ....
العريس مشي
--------------------
قلت يا سبحان الله
الواد كان نفسو بس حد يتصل عليه و هو يرجع
واللا حتى يعطيلو رنة صغيرة
لكن تعمل أيه
أصل الكبرياء ده مرض واليعاذ بالله
ولكن هل ممكن حد يتصل ياترى ؟؟!!
السبت 12 مايو 2012 - 17:07
